Solicitamos que s’abra una investigación y se depuren responsabilidaes ante la importante perda padremuñal carecía
Teniendo conocimientu de les estroces nel xacimientu arqueolóxicu de Paredes, situ nel Monte Les Muries, en Siero, por mor de les obres, illegalmente realizaes a finales del 2023 dientro del perímetru del mesmu, siendo esti un ámbitu de protección catalogáu pol Principado, desiximos al Conceyu de Siero qu’asuma la so responsabilidá y al Principado qu’anicie una investigación sobre les obres y destrucciones consecuentes autorizaes nel espaciu arqueolóxicu protexíu.
Solicitamos tamién que s’amplie l’ámbetu de protección actual a la zona conocida como de “Los Molinos”, onde los arqueólogos apunten dende va décades la esistencia de ñicios venceyaos a la villa de Paredes.
Remembramos que’l citáu xacimientu ta catalogáu y con ámbitu de protección del so entornu na carta arqueolóxica de Siero col nome de villa del Monte Les Muries, polo que les obres desendolcaes dientro’l so perímetru son illegales dafechu, teniendo como consecuencia nesta ocasión el movimientu de ñicios arqueolóxicos –güesos, cerámica romana y medieval, teya…-, desaniciaos del so contestu orixinal, de manera qu’agora ye imposible catalogalos correchamente, restándoyos tol so valir arqueolóxicu.
Por tou ello, dende Andecha Astur acabamos d’unviar sendos requerimientos, tanto al Ayuntamientu de Siero comu al Principado.
