Tendrá llugar esti xueves 6 de xunu nel Centru Municipal de Pumarín, cola participación del diputáu Jon Iñarritu (EH-Bildu) y Llucía Fernández (Andecha Astur)
Nel actu espondránse les llinies xenerales d’actuación d0esta coallición de la que forma parte Andecha Astur xuntu con otres organizaciones como Esquerra Repulicana, Bildu, BNG, Ahora Canarias, Puyalón… y que nos anteriores comicios europeos algamó 1.257.484 votos y a la que les caberes encuestes del CIS dan cuatro escaños nel parllamentu européu.
La defensa de la soberanía de les naciones ensin estáu, l’anitibelicismu, la paz, la llibertá y los avances sociales son les exes d’esta coallición de la que vien formando parte Andecha Astur y gracies a la cuala llevó al Parllamentu Européu temes tan importantes comu los fraudes d’El Musel y de los fondos mineros, la represión llingüística, la desindustrialización d’Asturies o l’escesu de contaminación ambiental, asina comu dellos conflictos llaborales, comu los d’Arcelor y EBHI.
Esti xueves Llucía Fernández por Andecha Astur y Jon Iñarritu por ehBildu desplicarán en Xixón el programa d’esta coallición y comu va defender a Asturies n’Europa, retrucando a les duldes que pudieren surdir. Esperámosvos.
Al traviés d’Agora Repúbliques, Andecha Astur garantiza la representación d’Asturies nel parllamentu européu, siendo la única opción que permite una representación direuta de los intereses de los asturianos
