La impunidá cola que campa la estrema drecha española nes nueses casi va pareya a la represión que carecen quienes defenden los drechos del pueblu asturianu, comu pue comprebase nel casu de les Seis de La Suiza
El pasáu vienres 28 de xunu tuvo llugar, nes inmediaciones del monumentu dedicáu a los “Héroes de Simancas” en Xixón, una concentración nel trescursu de la que s’interpretaron cánticos franquistes, incluyendo el cara al sol, realizándose al tiempu saludos facistes, tal comu puede comprebase nos vidios xubios a redes polos mesmos participantes nel actu. Ye impensable qu’agora mesmo n’Asturies tengamos que soportar actos facistes comu estos. Pero más incomprensible ye la falta de reacción amosada tanto pol Conceyu Xixón comu pol Principado, y pior entá, por tolos partios que se dicen democráticos y que nun gutiaron.
El compromisu asturianu y antifacista d’Andecha Astur nun mos permite quedar callaos. Entendemos qu’estos actos son constitutivos d’un delitu d’odiu y contrarios a la Llei de la Memoria Hestórica y que de denguna manera pueden permanecer impunes, polo que unviamos un escritu solicitando a Fiscalía qu’investigue la so llegalidá y s’actúe en consecuencia.
Asina mesmo, entrugamos al consistoriu xixonés si tenía conocimientu de la convocatoria d’esti actu y si esti cuntaba con dalgún tipu de permisu o autorización del Ayuntamientu pa la so realización.
Finalmente, solicitamos información acerca de l’actuación policial demientres los fechos, ello ye, si intervinieron y/o identificaron a los participantes.
