Fuercies policiales identificaron y punxeron torgues a los asistentes qu’escuchaben el pregón con banderes palestines
El pasáu vienres 13 de setiembre tuvo llugar n’Uviéu el pregón que daba aniciu a les folixes de la ciudá, San Matéu. Como ye vezu, dellos coleutivos sociales aprofitaron el marcu pa visibilizar les sos revindicaciones na Plaza Conceyu. Pente ellos, ondearon les banderes palestines de la Plataforma Asturies por Palestina cuyos portadores, ensin que mediare conflictu, altercáu o provocación dala foron interpelaos pola Policía Nacional ya identificaos como si tuvieren cometiendo dalgún delitu.
Dende Andecha Astur consideramos inxustificada y desproporcionada la aición policial, exercida contra unes persones qu’escuchaben pacíficamente un pregón. Poro, pidimos desplicaciones a Adriana Lastra, Delegada del Gobiernu Español, comu responsable que ye de l’aición policial.
Asina mesmo denunciamos la falta de rempuesta del Principado, al que-y desixímos qu’asuma les sos responsabilidaes faciendo otru tantu, pidiendo tamién que s’esclarie tan inaceutable comportamientu.
