7. Nun ye dable la soberanía político ensin plenu control de la economía propio; poro, defendemos l’entamu d’una Banca Pública Asturiana.
Los poderes públicos tienen de garantizar qu’esta banca asturiana tea sofitá en criterios éticos, seya ayena a los intereses especulativos, tea puesta al sirviciu del reencadarmamientu productivu’l país, sirva pa la nacionalización d’aquellos seutores productivos que resulten d’interés públicu, xuegue un papel decisivu na regulación social del mercáu la vivienda escontra la especulación inmobiliario y atienda les necesidaes d’inversión productivo de los asturianos y asturianes residentes nel país y de los espatriaos.
