La propuesta presentada por FAMYR énte’l “Principado”, a la que se suma Andecha Astur, cunta col sofitu d’otres 26 asociaciones y partíos políticos, y nella pidimos la concesión de l’entítulu de “Fios Predilectos d’Asturies” a los guerrilleros antifranquistes Cristino Garcia Granda, Felipe Matarranz y Juan Antonio Alcalde y la “Medaya d’Oru d’Asturies” pal caberu superviviente asturianu de los campos de concentración nazis, D. Vicente Garcia Riestra.
Andecha Astur camienta urxente la reconocencia de la llucha pola llibertá de los defensores del llexítimu Conseyu Soberanu, lo mesmo que se fixera n’otros países como Francia, Alemaña o Rusia a los lluchaores escontra’l facismu, onde son considraos héroes nacionales.
Concretamente’l reconocimientu de “Fiu predilectu” dase a persones ñacies n’Asturies destacables polos sos méritos. La campaña pol reconocimientu de los dos guerrilleros antifascistes asturianos, Cristino García Granda y Jose Antonio Alonso “Comandante Robert”entamó ya nel 2010, pero pesi a ser respaldada por más de 2.000 robles y 72 organizaciones, fue desestimada pol “Principado”, que decidió entregayla al entos xefe de la Casa Real d’España, Alberto Aza Arias. N’años anteriores foren gallardonaos l’es-secretariu de la Casa Real Sabino Fernández Campo (1991), y al Príncipe de Asturias (1986).
Andecha Astur coincide con FAMYR en denunciar que l’estáu español sigui dando a estos heroes la consideración de bandoleros y terroristes, dientro de la tradición d’etiquetar con esi apelativu a cualisquiera que lluche poles llibertaes ya escontra’l so sistema, calteniendo vixentes les sentencies condenatories franquistes.
