Andecha Astur convoca pal domingu 26 d’avientu un actu d’homenaxe a la figura d’Andrés Solar, vindicando la so tresdencia política y humana
Como vien faciendo dende va años, Andecha Astur convoca esti actu d’homenaxe a Andrés Solar, escritor de reconocíu prestixu nel ámbetu lliterariu asturianu, al que davezu tapézse-y el so compromisu políticu nacionaliegu que lu llevó a ser miembru fundaor del Ensame Nacionalista Astur, en cuyu programa participó activamente, presentándose por esi partíu como candidatu a la Xunta Xeneral.
Ye precisamente esa faceta suya, como presona, y como nacionaliegu, la que reivindica Andecha Astur nel homenaxe que se cellebrará’l prósimu domingu 26 d’avientu, a les 17 hores nel Cimenteriu Deva -Xixón-, un homenaxe al autor d’esa poesía que tan bien espeya’l sentir y los enfotos del nacionalismu asturianu
“Prúyemos un pueblu llibre/ que nome cola so voz / los sos collacios y el pan. / Prúyemos un pueblu llibre / y una Asturies dixebrá.
Andrés Solar foi en tou momentu un referente pola so implicación, capacidá de trabayu y cualidaes presonales, compañeru de militancia de munchos collacios d’Andecha Astur, y una referencia obligada pal conxuntu del nacionalismu asturianu.
