Una dellegación d’Andecha Astur participa nel congresu de Refundación de Sortu que se cellebra güei en Bilbao.
La representación asturiana, que yá participó na xornada d’ayeri na «Conferencia sobro resolución de conflictos: FMLN, Marcha Patriótica, Congreso de los Pueblos y Sinn Fein» forma parte de l’amplia dellegación internacional que participa nesti congresu, y nel que tan presentes movimientos de lliberación nacional de tol mundiu.
Na xornada del sábadu 21 de xineru, enantes del entamu del congresu de Sortu, participaráse nuna presentación sobro la situación política, resolución del conflictu y estratexa de Sortu, y dempués pasarase direutamente al congresu demientres el que se fadrán reuniones billaterales, grabación d’entrevistes y entrevistes con medios de comunicación, y tomarán parte del actu políticu en sigo mesmu.
La presencia d’Asturies representada por Andecha Astur, permitirá conocer de primer man n’Euskal Herría, cuales son les dinámiques n’otros pueblos, compartir esperiencies y difundir la situación d’Asturies y el nuesu llabor de recostruición nacional y social.
