Andecha Astur participó nel manifestamientu del a CNT en Madrid defendiendo a ‘les 6 de La Suiza’.
Un grupu militantes d’Andecha Astur, con Diego Morís, responsable de la nuesa Estaya Llaboral, viaxó esti domingu a Madrid con les compañeres de la CNT, que convocaron ellí un gran manifestamientu.
Ciudadanes y trabayaores de tol Estáu español recorrieron les principales cais madrilanes, denunciando les sentencies que conderguen a seyes sindicalistes asturianes sólo pol fechu de prauticar sindicalismu, nel casu conocíu comu La Suiza.
La vergoñosa sentencia del xuez Lino Rubio Mayo, de 2021, y la posterior sentencia d’apelación de l’Audiencia Pronvincial, 2022, foron señalaes en Madrid comu preseos de represión sindical. Miles de presones desixeron la llibertá de los encausaos y perafitaron el compromisu de la clas trabayaora a ser solidarios coles 6 de La Suiza y con toles víctimes que la represión gubernamental, empresarial y xudicial puea causar.
P’Andecha Astur la sentencia del xuez Lino Rubio Mayo sofítase sólo na presunción de culpabilidá y non en prebes, igual qu’asocedía cola xusticia del réxime franquista. El casu La Suiza ye una preba de que’l réxime capitalista, col gobiernu PSOE-PODEMOS-IU al frente, apuesta pola represión comu rempuesta a la contestación social, ensin considerar les alternatives a la esplotación y la precariedá que se xeneren dende la esquierda asturiana.
