Anque refuga del marcu estatal de la reivindicación d’esti prósimu sábadu, considera que ye prioritario amosar el sofitu asturianu al Pueblu Palestín
Andecha Astur llama a movilizase esti sábadu 20 de xineru desixendo la fin del xenocidiu al que se ve sometíu’l Pueblu Palestín, por más que nun comparta’l marcu estatal de la movilización y defenda la necesidá d’iguar rempuestes propies dende Asturies como marcu específicu d’actuación.
En tou casu, la xabaz masacre que tan careciendo los palestinos por parte d’Israel, cola complicidá del llamáu ‘mundiu llibre’, obliga a tar perriba d’eses custiones, y movilizase p’aparar la inxustificable masacre de la población civil en Gaza. Aparar la guerra y algamar una resolución xusta y democrática del conflictu, atalantado que la Comunidá Internacional tien qu’obligar al Estáu d’Israel a cumplir les resoluciones de la ONX y llindar les sos actuaciones al diálogu y la negociación política, que garantice la llibertá de Palestina y la fin de l’acupación.
Dende Andecha Astur perafitámosmos en que la movilización y la presión social ye la principal aportación que se-y pue faer al Pueblu Palestín y a la so llibertá, y tenemos que facelo como asturianes/os que tamién lluchamos pola libertá d’Asturies, y qu’aspiramos a un mundiu xustu formáu por pueblos llibres y soberanos.
SÁBADU 20 XINERU
12:30 hores
Plaza L’Humedal. Xixón
