Llama a participar nel manifestamientu entamáu por Asturies Antitaurina y en cuantes actividaes se convoquen p’aparar la tortura pública de toros nel nuesu país
Concretamente na perfomance antitaurina que se cellebrará nos Xardinos del Náuticu esti domingu 11 d’agostu y perespecilamente nel manifestamientu del xueves 15 d’agostu, convocáu a les 16:30 hores dende la plazuela San Miguel.
Andecha Astur quier recordar que’l caltenimientu de les corríes de toros en Xixón ye responsabilidá del actual gobiernu llocal del PP-Foro, pero tamién y perespecialmente del PSOE-IU, que teniendo capacidá pa ello en tolos años que lleven nel gobiernu del ‘Principado’ nun fueron quien a aprebar una llei de non maltratu a los animales, y que demientres los sos más de 40 años al frente del gobiernu de Xixón, tampoco nun quinxeron aprebar una ordenanza municipal que mos defendiera de semeyante espresión de crueldá gratuita, por más qu’Andecha Astur tea presentao, tanto nel gobiernu del ‘Principado’ como nel Ayuntamientu Xixón, propuestes nesi sen.
Andecha Astur reitera que la tortura y muerte de toros convertía n’espeutáculu públicu va escontra la sensibilidá y la cultura asturiana, y el so caltenimientu n’Asturies nun tien otru enfotu que perafitar una espresión de lo “español” nel nuesu país, una forma xabaz d’aculturización y españolización ensin xacíu.
