Llucía Fernández: «Na situación de boicó informativu que carecemos, les redes sociales costitúin una ferramienta de trabayu imprescindible»
La responsable de redes sociales d’Andecha Astur valora perpositivamente’l xorrecimientu de la presencia d’Andecha Astur nes redes sociales, poniendo como exemplu’l de twitter, que nos postreros seyes meses, consiguió perpasar los 2.000 seguidores «Y lo que ye muncho meyor, que la xente interactúe, que dea la so opinión y que mos faiga entrugues» comenta Llucía Fernández.
«Agora mesmo’l seguimientu informativu polos medios de comunicación de les iniciatives actividaes y propuestes d’Andecha Astur ye práuticamente nulu, ye más, daqué mediu usa la información que-y apurrimos ensin citamos ensiquiera, o incluso atribuyéndolo a otres organizaciones. El casu d’El Musel por exemplu ye escandaloso ver como se mos ningunea. NInguneárenmos nun entamu cuando presentemos la denuncia na OLAF, cuando ganemos la denuncia, cuando requerimos l’actuación de la fiscalía, cuando se obligó a actuar a la fiscalía…, asina ye como consiguen que nun podemos rentabilizar el nuesu llabor, y por eso ye imprescindible cuntar coles redes sociales.» Nel mesmu sen tamién resaltó qu’esiste una auténtica militancia nes redes sociales qu’aída enforma a esparder los nuesos conteníos, consiguiendo que la so repercusión seya muncho mayor.
Dende Andecha Astur continúa faciéndose un llabor sistemáticu d’información a los medios de comunicación tradicionales, pero lo cierto ye que con escasos resultaos, por eso, y de forma complementario decidióse apostar poles redes sociales y les nueves teunoloxíes, daqué qu’agora mesmo yá ta dando frutu.
