92. Regular les aídes d’emerxencia social comu un drechu suxetivu non dependiente de la disponibilidá presupuestario.
93. Aumentar los fondos públicos dedicaos al rescate social pa reforzar les aídes d’emerxencia (agospiamientu, nutrición, infancia, enerxía, formación, beques de comeor).
94. Regular la compatibilidá de les aídes sociales colos salarios más baxos, non descontando’l mini-salariu de l’aída.
95. Asegurar la rápida reposición del drechu al Salaciu Social Básicu dempués de que proceda llevantar la so suspensión por esfrutar d’un contratu llaboral temporal.
96. Nel casu la mocedá qu’entama trabayar por primer vegá, caltene-y el drechu al cobru del Salariu Social Básicu o del Ingresu Mínimu Vital nos seyes primeros meses de trabayu, pa facilitar una emancipación rial.
97. Renta Básico nel ámbetu la población menor d’edá y non emancipao.
98. Recuperar la figura la tarxeta o bonu social pa cubrir necesidaes básiques en comercios de prosimidá.
99. Aperiar un sistema públicu d’aída social que foncione con axilidá, lloñe de criterios puramente burocráticos y que torguen la participación nes convocatories d’aídes, facilitando l’acesu a la información y al procedimientu solicitú.
100. Aumentar el númberu profesionales de Sirvicios Sociales por habitantes, ufriéndo-yos formación de contino, de baldre y dientru’l tiempu trabayu.