82. Entamar un réxime impositivu progresivu especial pa les grandes fortunes.
83. Desaniciar l’escudu fiscal del Impuestu’l Padremuñu ya incluyir nesti impuestu les participaciones familiares.
84. Impuestu sobro Sucesiones y Donaciones sólo pa rentes altes y grandes fortunes, esención dafechu pa rentes populares.
85. Entamar una Oficina asturiana escontra’l fraude y la evasión fiscal, con un plantegamientu integral de llucha escontra estos delitos.
86. Incentivar fiscalmente la rehabilitación de viviendes énte la nuea costrución, especialmente na fastera rural y en ciudaes con barrios depauperaos.
87. Nel casu d’arriendos de viviendes perbaxu los referenciaos pol Gobiernu asturianu, los receutores de los mesmos sedrán bonificaos na so declaración d’impuestos. Pel so llau, cuandu los arriendos tean perriba los aconseyaos pol Gobiernu asturianu, los receutores tendrán un réxime impositivu especial que lo compense socialmente.
88. Afitar un impuestu especial pa viviendes vacíes.
89. Bonificaciones del 90% nel impuestu Contribucion pa presones y families vulnerables, pa families numberoses o monoparentales con una renta inferior a cuatru vegaes el SMI o pa families con pensiones non contributives o Ingresu Mínimu Vital.
90. Esención del impuestu d’Actividaes Económiques a los contribuyentes con una cifra negociu inferior a un millón €.
91. Llínies de sovención pública pa iniciatives particulares d’emprendimientu qu’aiden a frenar la despoblación o a repoblar los pueblos y aldegues.